Fjallabyggð velur Alvican í þróunarverkefni til að efla öldrunarþjónustu

Í sveitarfélaginu Fjallabyggð er í dag fimmtungur íbúa orðinn 67 ára og eldri og því má segja að Fjallabyggð sé komið lengra í þróun en önnur sveitarfélög vestrænna landa sem má kalla öldrun þjóða. Fjallabyggð er því í senn bæði gluggi inn í framtíðina og kjörinn vettvangur fyrir þróun framtíðarlausna tengdum öldrunarþjónustu og velferðartækni.

Fjallabyggð hefur nú hafið nýsköpunar- og þróunarverkefni er varðar samhæfingu, fræðslu og gæðaþróun og á eflingu velferðartækni í þjónustu innan velferðarþjónustu sveitarfélagsins með það að markmiði að gera innleiðingu nýrrar heilbrigðis- og velferðartækni í sveitarfélaginu öruggari, skilvirkari og árangursríkari. Mikilvægur þáttur í vinnu sveitarfélagsins undanfarna mánuði hefur legið í undirbúningi sérsamninga við Sjúkratryggingar Íslands og Heilbrigðisráðuneyti varðandi þróunarverkefni og nú er hafin innleiðing á velferðartæknilausnum frá Alvican ehf. sem sérhæfir sig í lausnum til að lengja sjálfstæða búsetu eldri borgara, betri þjónustu og aukið öryggi þeirra.

Nú þegar hafa verið settar upp lausnir hjá fyrstu notendum í Fjallabyggð sem búa í sjálfstæðri búsetu, hjúkrunarheimili og þjónustuíbúðum. Meðal lausna sem verða innleiddar eru öryggishnappar sem virka bæði innan og utandyra, fallvarnir, rápskynjarar, staðsetningarbúnaður og fleira.

Rápskynjari

Rápskynjari Alvican er tengdur við einstaklingsútgáfu af snjallkerfi Alvican en það er kerfi hannað fyrir einstaklinga með skerta færni í sjálfstæðri búsetu sem vilja auka öryggi.

Rápskynjarinn er þráðlaus og með rafhlöðu og er hann settur á rúmfótinn hjá notanda og þegar hann ætlar að fara fram úr rúminu sendir skynjarinn skilaboð í snjallkerfið.

Hægt er að stilla snjallkerfi Alvican þannig að það sendi skilaboð á aðstandendur eða umönnunaraðila allan sólarhringinn eða aðeins þegar notandi fer fram úr rúminu á nóttunni.

Viðmót snjallkerfisins er auðskilið, allt á íslensku og einfalt að setja upp á snjallsíma ættingja, vina eða umönnunaraðila.

Skoða vöru