Dvalarheimilið Fellaskjól velur velferðartæknilausnir frá Alvican

Dvalarheimilið Fellaskjól á Grundarfirði hefur hafið innleiðingu á velferðartæknilausnum Alvican. Allar lausnir frá Alvican eru þráðlausar og þurfa því enga uppsetningu, aðeins kennslu á búnaðinn og hugbúnaðinn sem er á íslensku og er auðvitað íslenskt hugvit.

Þráðlausa 4G bjöllukerfið virkar vel þegar breytingar ganga yfir þar sem ekki þarf neina uppsetningu á staðnum og hægt að flytja til hnappa, fjölga eða fækka eftir þörf hverju sinni.

Bjöllukerfið virkar bæði innan og utandyra og þarf enga stjórnstöð þar sem í hnappnum er talrás í báðar áttir og þess vegna er hægt að bæði hringja úr hnappnum og hringja í hnappinn. Einnig er GPS tæki í hnappnum og því er hægt að staðsetja hnappinn utandyra og koma notandanum til aðstoðar þar sem hann er staddur og hentar því mjög vel fyrir þá íbúa sem eru á ferðinni og fara reglulega í göngutúra eða týnast. Sú lausn hjálpar mikið til við umönnun íbúa með heilabilun sem stundum fara út án þess að starfsfólk veit af því og þá senda hnapparnir skilaboð á umönnunaraðila.

Hnöppunum fylgir íslenskur hugbúnaður þar sem hægt er að stýra hverjir eru svarendur hverju sinni, fá stöðu á hnöppunum og tölfræði skýrslur um notkun.

Fellaskjól er einnig að taka í notkun þráðlausa rápskynjara í stað rápmotta.

Rápskynjarnir eru stilltir eftir þörfum notanda og þannig er hægt að vakta notanda þegar þörf er á, þar sem sumir íbúar eru í byltuhættu allan sólarhringinn en aðrir aðeins á nóttunni.

Rápskynjurunum fylgir einnig íslenskur hugbúnaður þar sem hægt er að stýra hverjir eru svarendur hverju sinni, fá tölfræðiskýrslur um hreyfingar og notkun.

Að lokum voru settir upp þráðlausir neyðarhnappar í matsal, salerni og sameiginleg rými á dvalarheimlinu til að hægt sé að kalla eftir hjálp ef neyð kemur upp.