Í þessum mánuði ákvað Heilsugæslan í Vestmannaeyjum að velja íslenska…
Íbúar Sjálfsbjargarheimilisins ánægðir með 4G-hnappa
Sjálfsbjargarheimilið í Hátúni hefur tekið í notkun 4G-bjöllukerfi fyrir skjólstæðinga sína. Samkvæmt Alvican, sem flytur hnappana inn, er þetta í fyrsta sinn sem slíkt kerfi er innleitt fyrir slíka starfsemi hér á landi.
Alda Ásgeirsdóttir, sviðsstjóri hjúkrunar, segir mikla ánægju vera með hnappana. Þeir veiti íbúunum meira öryggi og séu þægilegir fyrir starfsfólk.„Hægt er að hringja í hnappana og heyra í íbúunum okkar, hvar sem er. Einnig er staðsetningarbúnaður sem getur gert okkur kleift að fylgjast með íbúa ef þess er þörf og leyfi hefur verið gefið fyrir því,“ segir Alda.
Hnappar af þessu tagi geta einnig sagt til um ef einhver dettur. „Varðandi fall þá hefur ekki reynt á það hjá okkur, en það er ekki spurning að ef viðkomandi dettur myndi hnappurinn hringja og einnig getur íbúinn hringt á okkur hvar sem hann er staddur, úti eða inni.“
Alvican öryggishnappurinn
Öryggishnappurinn okkar virkar bæði innan- og utandyra og hægt er að fylgjast með staðsetningu notanda með upplýstu samþykki hans. Það þarf enga sérstaka tæknikunnáttu til að nota öryggishnappana okkar. Notandi þarf ekki að eiga eða kunna á snjallsíma. Aðstandendur eða umönnunaraðilar hafa aðgang að snjallforriti okkar í gegnum snjallsíma, spjaldtölvu eða tölvu.
Hnappurinn er vatnsheldur og hægt er að virkja fallvörn og þá lætur hnappurinn vita ef notandi tækisins dettur og sendir sjálfkrafa skilaboð ef notandinn getur ekki gert viðvart. Einnig er hægt að stilla hnappinn þannig að ef tækið hreyfist utan valins öryggissvæðis þá sendir hnappurinn skilaboð í síma aðstandenda eða umönnunaraðila. Öryggishnappurinn getur einnig gert viðtakendum viðvart ef notandi hnappsins sest t.d. upp í bifreið og fer þannig á meiri ferð en forstillt hraðatakmörk.
Aðrar fréttir
