Velferðartæknifyrirtækið Alvican eykur öryggi eldri borgara

Hugbúnaðurinn frá Alvican skynjar eðlilega hegðun eldri borgara í sjálfstæðri búsetu og lætur vita ef það verða frávik. Þannig er hægt að auka öryggi íbúanna og tryggja þeim sjálfstæði í lengri tíma, sem bæði eykur lífsgæði þeirra og sparar þjóðfélaginu stórar fjárhæðir.

Alvican var stofnað árið 2015 eftir að höfuðborgir Norðurlandanna héldu samkeppni um lausnir á velferðarsviði til að auka öryggi og lengja sjálfstæða búsetu aldraðra,“ segir Arnar Ægisson, framkvæmdastjóri Alvican. „Halldór Axelsson, stofnandi Alvican, er rafeindafræðingur og uppfinningamaður sem hannaði snjallkerfi sem byggir á gervigreind og vaktar íbúa án sjáanlegs eftirlits sem gæti truflað, en það eina sem íbúar verða varir við er tæknibúnaður á borð við skynjara og samskiptahnappa sem er stýrt með hugbúnaði Alvican.

Kerfið notar skynjara sem greina eðlilega rútínu íbúa út frá þáttum eins og notkun á vatni og rafmagni og hreyfingum innan íbúðarinnar,“ segir Halldór. „Ef það verða frávik frá hefðbundinni rútínu fær umönnunaraðili skilaboð og þá er hægt að grípa inn í ef þörf krefur, en stundum eru breytingarnar vísbending um nýja sjúkdóma, þörf fyrir endurskoðun á lyfjum eða annað slíkt. Þannig gefst tækifæri til að grípa inn í áður en eitthvað alvarlegt gerist.

Kerfið vann til verðlauna í velferðartæknisamkeppninni HealthTech Nordic árið 2015 og í kjölfarið fengum við svo 50 milljóna króna styrk frá Tækniþróunarsjóði sem var notaður til að klára lausnina,“ segir Arnar. „Við hófum svo sölu á henni í lok árs 2019 og höfum þróað hana áfram, ásamt því að þjónusta kerfið.“

Betri þjónusta en færra starfsfólk

„Upphaflega var hugbúnaðurinn þróaður fyrir einstaklingsmarkað en hann var síðar aðlagaður þörfum stofnana eins og hjúkrunarheimila eftir að þar vaknaði mikill áhugi á stafrænu eftirliti, sem getur bæði aukið öryggi íbúa og auðveldað hagræðingu. Það varð svo algjör sprenging í Covid þegar það skapaðist mönnunarvandi vegna sóttkvía og veikinda,“ útskýrir Arnar. „Þetta minnkar þörfina fyrir starfsfólk, sérstaklega á næturvakt. Það þarf heldur ekki að sitja við vaktborð og fylgjast með öllum heldur er bara hægt að fá skilaboð um það sem skiptir máli og svo eru 4G-öryggishnappar með talrásum sem auðvelda samskipti og virka bæði innan- og utandyra. Þetta sparar sporin rosalega og gerir það mögulegt að veita betri þjónustu með færra starfsfólki ásamt því að auka öryggi, því í öryggishnappnum er fallvari og GPS-staðsetningartæki þannig að það er hægt að staðsetja notandann með hugbúnaðinum.

Stafrænt eftirlit getur bæði uppfyllt umönnunarþörfina og auðveldað umönnunaraðilum og eldri borgurum lífið, því það þarf minna að fylgjast með íbúunum, til dæmis með tilheyrandi raski á næturnar,“ segir Arnar. „Með því að tengja sérstaka skynjara við hugbúnaðinn er hægt að fylgjast með salernisferðum hjá íbúum og einnig greina ef notandi dettur, en rúmlega 70% slysa hjá eldri borgurum gerast á baðherbergjum.“

Alvican öryggishnappurinn

Öryggishnappurinn okkar virkar bæði innan- og utandyra og hægt er að fylgjast með staðsetningu notanda með upplýstu samþykki hans. Það þarf enga sérstaka tæknikunnáttu til að nota öryggishnappana okkar. Notandi þarf ekki að eiga eða kunna á snjallsíma. Aðstandendur eða umönnunaraðilar hafa aðgang að snjallforriti okkar í gegnum snjallsíma, spjaldtölvu eða tölvu.

Hnappurinn er vatnsheldur og hægt er að virkja fallvörn og þá lætur hnappurinn vita ef notandi tækisins dettur og sendir sjálfkrafa skilaboð ef notandinn getur ekki gert viðvart. Einnig er hægt að stilla hnappinn þannig að ef tækið hreyfist utan valins öryggissvæðis þá sendir hnappurinn skilaboð í síma aðstandenda eða umönnunaraðila. Öryggishnappurinn getur einnig gert viðtakendum viðvart ef notandi hnappsins sest t.d. upp í bifreið og fer þannig á meiri ferð en forstillt hraðatakmörk.

Skoða vöru